"Auf che l'é morgen" su
'l bosco 'l ne speta lasù
desmiscia anca 'l Begna
casca le foie, l'é tempo de legna
Prosaki grevi de ordegni
i pesa, sule spale i lasa i segni;
e anca: fasoi dei palui, polenta, formai,
na ciutera de vin, dei vignai.
Arcaso, fao, rore, pezo...
zerta la arde 'n presa, l'altra la dura 'n pèzo
taien la legna sul calar de luna
come i nostri noni, no i ne sbagliava una!
L'era erta la strada e greva,
laoro con den 'n la man na sgeva
longo 'l di e anca duro
arriven a mason che l'è za scuro.
La legna adeso, l'è 'n la corte
le giornae le sé fate curte,
le fadighe no le è stae poche...
e ades lasa che 'l fioche!
La sera quande 'l fiòca
e nel camineto brusa la zoca.
e fòra sofia 'l vento
te pensi: "Fadighe si... ma son contento!
Bepi Polacco
