Sul sentiero del Menador
Lè ancor freda la matina
su la vale 'ndormenzada
col prosaco sula schena
vaò a far 'na caminada.
E camino den nel bosco
'mpregnà de' bonodor
ch'el ven fòr dai mughi e pini
sul sentier del Menador.
Su drio al Pizo pian-painin
anca 'l sole lè butà
za l'enlumina la vale,
i paesòti cò le ca'.
I me passi sempre avanti
sul sentiero tanto bèlo
e me pòlso 'n momentin
arivando al Capitèlo.
I canta alegri i oseleti
par 'na bèla melodia
e vizin al Capitèlo
me ven fòr 'na Ave Maria.
Quando 'l sole lè za alto
e l'inlumina 'l Verena
mi me pòlso sodisfà
col prosaco sula schena.
E continuo a caminar
sui sentieri profumai:
i ranuncoli e i anemoni
che da poco i è sbociai.
Quando 'l sole li drio al Corno
'l scominzia a tramontar
ala casa me avizino
la giornada po' a contar.
e nel dela nòte
mi scominzio po' a sognar
i sentieri profumai
i me passi a caminar.
